Со истражувањата во 2002 година, надвор од одбранбениот ѕид, а во негова непосредна близина беше откриен гроб на детски покојник. Во 2004 беа откриени уште неколку гробови, од нив само еден имаше можност да се истражи. Нивната позиција и начинот на изведба на гробната конструкција укажуваат на тоа дека се работи за доцно средновековни погребувања (XVII-XVIII век). Веројатно се работи за погребувања на населението од денешното село Таор, населено во овој период.